Biilit nalunaarsukkat suli amerliartorput

2024-mi januaarip aallaqqaataani biilit 6.799-it nalunaarsugaasimapput. Ukiup ataatsip ingerlanerani 3,8 pct.-imik imaluunniit 252-inik biilit amerlisimapput. 2024-mi januaarip aallaqqaataani biilit usisaatillit 1.726-t nalunaarsugaasimapput ukiup siulianut sanilliullugit 1,7 pct.-imik amerlisimallutik, titartagaq 1 takuuk.

 

Titartagaq 1. Januaarip aallaqqaataani biilit aamma biilit usisaatillit

Najoqqutaq: Akileraartarnermut Aqutsisoqarfimmi qamutit motoorillit nalunaarsorsimaffiat Naatsorsueqqissaartarfimmit misissoqqissaagaq

Kisitsisaataasivik: https://bank.stat.gl/ENNMO1HI

 

2024-mi januaarip aallaqqaataani qamutit normulerneqarsimallutik nalunaarsukkat 15.065-inik amerlassuseqarput. Taakkunannga 14.582-it motooreqarput 483-illu kalittagaallutik imaluunniit assigisaat.

 

Saqqummersitami matumani naatsorsukkat Akileraartarnermut Aqutsisoqarfiup motoorilinnut nalunaarsuisarfiani nalunaarsukkat tunngavigalugit suliarineqarput. Qamutit motoorillit akileraartussaatitaaneranut inatsit malillugu qamutit motoorillit aamma kalittakkat nalunaartussaatitaasut tamarmik nalunaarsuiffimmi ilaapput. Qamutit motoorillit ukioq affakkaarlugu akileraartussaatitaasut aamma qamutit motoorillit akileraartussaatitaanngitsut ilaapput. Nalunaarsuiffimmi pineqartut tamarmik nummerpladeqarput. 2013 aallarnerfigalugu qamuteralaat, traktorit, qamutit kalitat, lastbiilit kalitarsui il. il. Nalunaarsuiffimmut ilanngunneqarput.

 

Malugiuk, Naatsorsueqqissaartarfimmit ukiut tamaasa qamutit motoorillit ilaatigut qamutit ataasiakkaat pillugit nutaanik paasissutissanik ilalerlugit nalunaarsorneqartarmata. Taamaattumik nalinginnaasumik ukiut tamaasa qamutit motoorillit nalunaarsukkat iluarsaanneqartarput.

 

Nalunaartussaatitaasut saniatigut qamutit motoorillit nalunaarsuiffiannut nalunaartussaatitaanngitsunik peqarpoq. Tassaapput qamutit motoorillit ungaluusani inunnit orninneqarsinnaanngitsuni imaluunniit avinngarusimasuni atorneqartut. 2024-mi januaarip aallaqqaataani qamutit motoorillit 5.475-it akileraartussaatitaanngillat, takuuk takussutissiaq 1.

 

Takussutissiaq1. Januaarip aallaqqaataani qamutit motoorillit nalunaarsukkat, akileraarutit annertussusaat malillugit

	2020	2021	2022	2023	2024
Katillugit.......................	11.962	12.814	13.843	14.511	15.065
1.000 kg angullugu, qamutit motoorillit ..	1.693	2.789	1.525	1.565	1.578
1.001 kg - 1.200 kg, qamutit motoorillit .	777	802	771	753	723
1.201 kg - 1.500 kg, qamutit motoorillit	1.796	1.803	1.803	1.731	1.701
1.501 kg - 1.800 kg, qamutit motoorillit	1.244	1.249	1.198	1.165	1.112
1.800 kg qaangerlugu, motoorillit	1.414	1.491	1.602	1.674	1.729
Motorcykelit .....................	4	3	3	4	5
ATV-t .........................	-	-	1.273	1.588	1.907
Qamutit motoorillit akitsuusigaanngitsut	-	-	573	670	835
1.000 kg angullugu, qamutit motoorillit ..	5.034	4.677	5.095	5.361	5.475
Ilisimaneqanngitsut ...............	-	-	-	-	-

Najoqqutaq: Akileraartarnermut Aqutsisoqarfimmi qamutit motoorillit nalunaarsorsimaffiat Naatsorsueqqissaartarfimmit misissoqqissaagaq

Malugiuk: 2022 aallarnerfigalugu Akileraartarnermut Aqutsisoqarfimmit ATV-mik, ilaannakortumik innaallagiatortunik biilinik aamma biilinik innaallagiaannarmik ingerlasartunik akileraartarneq allanngortinneqarnikuuvoq. ATV-iilli ilaanik nalunaarsuinerit 2022-imeersuupput, taakku *1.000 kg. Angullugu, qamutit motoorillit’-nut ilanngunneqarnikuupput

 

2024-mi januaarip aallaqqaataani biilit 6799-iusimapput, taakkunannga 4.432-t inunnit pigineqartut 2.367-it suliffeqarfinnit pigineqartutut nalunaarsorsimapput. 2013-imi nummerpladellit nalunaarsorsimasussanngortitaanerisa kingorna qamutit motoorillit inuinnarnit suleqqarfinniillu pigineqartut amerlatserujussuarput. Titartagaq 2-mi qamutit motoorillit allat ilaapput, inunnit pigineqartut minillugit. Qamutit kalitat, usisaatit il.il. titartakkami aamma ilanngunneqanngillat.

 

Titartagaq 2. Januaarip aallaqqaataani motoorillit nalunaarsukkat inuinnarnit suliffeqarfinniillu pigineqartut

Malugiuk: Qamutit kalitat titartakkami ilaanngillat. Qamutit motoorillit inunnit pigineqartut ilaatigut tassaapput snescooterit, taakku 2013-imi nummerpladelinnik nalunaartussanngortitaaneq pissutaalluni 2014-imi nalunaarutigineqartut amerlasoorujussuupput

Najoqqutaq: Akileraartarnermut Aqutsisoqarfimmi qamutit motoorillit nalunaarsorsimaffiat Naatsorsueqqissaartarfimmit misissoqqissaagaq

Kisitsisaataasivik: https://bank.stat.gl/ENNMO1HI

 

Politiinit kisitsisitigut paasissutissat malillugit 2023-mi qamutit motoorillit 3.185-it nalunaarsorneqarsimapput, titartagaq 3-mi tamanna takuneqarsinnaavoq. 2022-mut sanilliullugit 6,6 pct.-imik qaffariarneruvoq, 2012-imullu sanilliullugit amerlanerujussuupput, aqqaneq-marloriaataat sinnilaarlugu amerlanerullutik, taamani qamutit motoorillit 262-it nalunaarsorneqarsimammata. 2012-imit qamutit motoorillit amerlatserujussuarnerannut pissutaavoq maskiinat entreprenørit atortagaat, qamutit kalitat, lastbiilit kalitaat, traktorit il. il. Nummerpladeqartussanngortitaanerat aamma nalunaarutigineqartussanngortitaanerat. 2002-mi kiisalu 2013-imiit 2022-mut nutaatut nalunaarutigineqarsimasut kisitsisaat immikkuullarissut, Politiit ukiumoortumik nalunaarusiaat malillugu, akuerineqarput.

 

Politiit ukiumoortumik nalunaarusiaanni qamutit motoorillit nutaat nalunaarutigineqartarput. Naatsorsueqqissaartarfimmit aalajangiunneqarpoq qamutit motoorillit pillugit politiit paasissutissaataat atorneqassasut, taamatullu aalajangernermut pissutaavoq Akileraartarnermut Aqutsisoqarfimmit qamutit motoorillit nutaat allatut nalunaarutigineqartarmata.

 

Qamutinik nutaanik nalunaaruteqarneq qamutit siullermeerluni nalunaarsorneqarnerattut nalunaarsuutaavoq, kingusinnerusukkullu allannguillu nalunaaruteqarnernik imaqanngillat.

 

Titartagaq 3. Motoorillit nalunaarsukkat nutaat

Najoqqutaq: Kalaallit Nunaannit Politiit – Ukiumoortumik kisitsisitigut paasissutissat

Malugiuk: 2002-mi kiisalu 2013-2021-mi nutaatut nalunaarutigineqarsimasut politiinit akuerisaapput

Kisitsisaataasivik: https://bank.stat.gl/ENNMO4NY

 

Biilit innaallagiaq tamakkiisumik atorlugu aamma innaallagiaq tapiliussatut atorlugu ingerlasut (hybridbilit) nalunaarsorsimasut amerliartorput. 2023-mi Kalaallit Nunaannit Politiit – Ukiumoortumik kisitsisitigut paasissutissiaanni 1.995-it innaallagiamik tamakkiisumik ingerlateqarput, 766-it hybridbiliupput plug-in atorlugu innaallagiaq tapertaliullugu ingerlasarlutik. Qamutit motoorillit 135-t innaallagiaq tapiliullugu ingerlasartut (hybridbiilit) nalunaarutigineqarsimapput. 2020 sioqqullugu innaallagiamik ingerlatillit aamma innaallagiaq tapiliullugu ingerlasartut (hybridbiilit) tamarmik ”innaallagiamik ingerlasartutut” nalunaarutigineqartarsimapput.

 

Takussutissiaq 2. Biilit innaallagiatortut innaallagissamillu tapertaqarlutik ingerlasartut nalunaarsukkat, ukiut nalunaarsuiffiit malillugit

	2019	2020	2021	2022	2023
Katillugit.......................	643	977	1.466	1.642	1.995
Innaallagiatortut ..................	643	747	841	727	766
Hybrid plug-in innaallagiamik tapertallit .	…	203	554	810	1.094
Hybridit ........................	…	27	71	105	135

Najoqqutaq: Kalaallit Nunaannit Politiit – Ukiumoortumik kisitsisitigut paasissutissat

Kisitsisaataasivik: bank.stat.gl/ENNMO5FU